مجنـــــون ..

بكره هكسر كل الدنيا
بكره أنا هبدأ أعيش أيامي
أيوه هعيش أيامي معاكي
وهحقق أحلامي في هواكي
ولما حبيبتي هعيش وياكي
بكره تحسي تشوفي جناني
بكره هكسر كل الدنيا
بكره أنا هطلع في أحلامك
هتمشي الصبح وتحلمي بيا
،وهاجي ف ليلك جوه منامك
أبوس رجليكي، وأطلع أجري
وأرجع أبوسك، وأطلع أجري
وأرجع تاني، وأخطف بوسة، وأرجع أجري
بس المرة ديه وإنتي في حضني
ولما حبيبتي هتبقي في حضني، هطلع أمشي بيكي ع الحيط
وهتنطط ع الهوا تنطيط
فوق السحاب أنا بيكي هطير
كجنون بيكي ، جناني خطير
لو مرة طلبتي، أنا هعمل لك دمي عصير
كله عشانك سهل يسير
كله عشانك يبقى قليل
حتى إن كان ياحبيبتي كتير
حتى إن قلتي عايزة حياتي
بإيدي أنا هكتب نعي وفاتي
بإيدي أنا هكتب دعوة فرحك
وأكتب فيها اسمي واسمك
،وهبعت دعوة لجنكيز خان، والكابتن ماجد
وكمان هعزم أميتاب باتشان
،وهجيبلك أطول فستان
فستان اّخره فوق الركبة
وعلى أكتافك تبقى بدايته
هفضل أرقص أنا وياكي، طول الليل ولحد نهايته
هنفضل نرقص طول الليل، وبدل الفرقة هجيب 100 فرقة
عمرو دياب هيغني الشعبي، وكمان شعبان هيغني رومانسي
وهخلي إليسا تقول مواويل
وبريتني سبيرز هترقص بلدي، ده ليلنا طويل
فرحك عالي مهواش بلدي
فرحك لازم يبقى جنان، ويحكوا عنه ف كل الدنيا
،مش قلتلك
.....بكره هكسر كل الدنيا