حـــوار حـزيـــــن.

هي قالت: سبني وفارقني،وإبعد عني
روح عيش حياتك
وانسى إنك، عشت لحظة واحده في حضني
وأنا أوعدك
....أنا هنسى إني
رد عليها: إنتي حياتي، إنتي كل دنيتي
إنتي أملي في الحياة
إنتي ضحكي وفرحتي
لو حتى إنتي نسيتي إنك حبيبتي
...عمري والله لحظة ماأقدر أنسى إني
هي قالت: غصب عني وغصب عنك
،مش هقول الذنب ذنبي
ولا ذنبك
بس حبك عبء تقيل مقدرش أشيله
ومن جوه قلبي لازم أشيله
...قول لي إنت شايف إيه؟
،عينه بترغرغ دموعها
والكلمة مش قادر يقولها
،كبايه ميه قدامه
بإيده مش قادر يشيلها
،جت في باله كل ذكرى
وكل لحظة حلوة عاشها
كل حاجة عملها ليها
وكل كلمة كانت تقولها
بدمعه محبوسه ف عنيه
وبحشرجة من بين شفايفه
كلمة واحده جت عليه
....يعني إيه؟... يعني إيه؟
دمعه لعبت في عنيها
....وهي بتقول له الزمن
ناس كتير بتعيش حياتها
وغيرها يدفعوا التمن
ومن زمان قالوا الرياح
جايه ومخالفة السفن
...افهم بقى
إحنا هوانا طار في الرياح
أصبح تراث ويا الزمن
...إفهم بقى
زهقت أنا من كتر طيبتك
زهقت أقول بكفايه خيبتك
...إفهم بقى
إياك تناديني حبيبتك
قول لي أختك أو صديقتك
اندهني قول لي أي حاجة
...بس إوعى تقول حبيبتي
دمعه نزلت من عنيه قدام عنيها
صوته حن لما حاول يناديها
حاول إنه مره ينده اسمها
غصب عنهلقى نفسه بيناديه
......قال يا حبيبتي

طــــاتي

شكرا سلمت يداك

جميل

متشكرين